العدان او العدام

العدان وماأدراك مالعدان

اللي مايعرف العدان اهو مستشفى بمحافظة الاحمدي
يعني تخيلوا كل هالمناطق على مستشفى واحد
المهم ادخل بالموضوع امس زوجة اخوي راحت لمستشفى خاص فقالوا لها
لا الحاله صعبه واذا تبين نسوي عمليه بس على مسؤوليتج
اهي حامل وخلصت 9اشهر بس ماولدت المهم قالوا لها روحي للمستشفى
الحكومي اللي بطاقتكم عليه طبعا من سوء الحظ هو العدان هذا كان الساعه3 العصر
رحت انا وياها واخوي ومسكينه توها بكر اول حمال لها واخوي موعارف يتصرف
المهم دخلنا عند طواريء الحوامل والولاده ياسلام سلم على المعامله ولافندق خمس نجوم طل بعيني فندق
والمستشفى حتى الاضاءه فيه خربانه والوصخ على الارض
نجي الحين على المعامله الله واكبر البوز شبرين والنفس خايسه والممرضات كأنه مستشفى ابوهم
لا كله كوم ولاالدكتوره السيلانيه ماترد على احد طبعا تهاوشت معاها رطنت عليها بالانجليزي
وبعدها دعيت عليها دعوه بالبدوي يتروالي بعدها راح تتحرول
المهم السيلانية بنت السيلانية نقعتنا من الساعه 3 العصر للساعه 6 المغرب تعرفون خدمه سريعه وكان قدامنا 30 حاله الله اكبر وحالات عادية بعكس زوجة اخوي اللي لازم يولدونها غصب لأنها طافت 9 اشهر
المهم المسخره الاكبر كل شوي اشوفهم يزرقون كم مريضه وطبعا كلهم هنديات او سيلانيات
بدون رقم وبدون شيء يلعن ابو الواسطات حتى الهنود عندهم واسطات طبعا رديت دشيت على السيلانية اللي هي الدكتوره ورديت ازفها بالانجليزي وطبعا حاشها طشار من دعوات جدتي الله يرحمها
اخر شيء تسنعوا وقالوا ماما لازم تخطيط عشان بيبي طيب نو بروبلم تسوي تخطيط
دخلت غرفة التخطيط وانا طلعت اكلم اخوي رجعت ابي اعرف وينها دخلت غرفة التخطيط ياربي سراير بس كل اللي مسدحين سيلانيات زوجة اخوي وين
اكلم الممرضة قالت ماما انتي اطلع لازم دور مافيه تخطيط قلت لها ياهبله شايفتني حامل انا اسال عن المريضه فلانه وينها اتخيلوا المصيبه وين حاطين جهاز التخطيط الثاني في المخزن حسافه ماخلتني اصور
حاطين سرير بمخزن صغير وجهاز التخطيط ويالله انحشرت ودخلت
المهم طلعت من التخطيط بعد فتره ابشركم وقالت الممرضة ماما ادخلي عند دكتوره هذا لازم دخول عشان اولد الحين
قلت ابشري على ذا الخشم هذا اللي انا ابيه من الساعه 3 دخلت على السيلانية بنت السيلانية
الساعه 7 بالضبط اول ماطلعنا من التخطيط ردت علي بنفس خايسه انا شنو يقول انطري دور
ايا بنت ال ايه المهم نطرنا شسوي بس طبعا عقب ماعطيتها كم دعوه يقطعون الخلف
دخلنا الساعه 8 فحصتها قالت انتي لازم ادخل بسرعه عشان لازم يولد مو زين
ايا بنت الذين وحنا من الصبح شنقول المهم سوينا اجراءات الدخول الساعه 9 دخلت الجناح
طبعا واعليا عليها لحد الحين ماولدت ذبحوها
تكفون ادعوا لها

وشرايكم بالخدمات الرهيبه اللي عندنا بالكويت
بدال مايسنعون الخدمات الطبيه عندنا فالحين
يتبرعون حق الهكره وغيرهم

حسبي الله ونعم الوكيل

عيدكم مبارك

كل عام والكويت بخير

عيدكم مبارك بلوجرز

وعساه عيد سعيد

لقيمات وملاحظتين

لقيمات*

سامحونا على الصور على السريع وفي المطبخ

المهم الوصفه

كوبين طحين ابيض-

ملعقه صغيره (حوس الشاي) بيكنج باودر-

ملعقتين صغيره (حوس الشاي) خميره-

ثلاث فناجين حليب الجمعية-

طبعا نخلطهم جميعا بماء دافي

ونعجنهم عدل عدل ونغطيهم وقبل الفطور

بشوي نسوي اللقيمات

وبالهناء والشفاء

--------------------------------

الملاحظة الأولى

الله يسامحهم اللي قطعوا الماي علينا انا قريت

بالجرايد عن القطع المبرمج بس قلت ماراح يحوشنا

حسبي الله ونعم الوكيل كل شيء ولا الماي

-----------------------------------

الملاحظة الثانيه

امس بعد الفطور تفاجانا بصبي الدوانية

يدخل علينا كرتون هيل وكرتون تمر

وخيشة قهوه عربية من النوع الممتاز

طبعا سألنا صبي ابوي من وين

من جابهم رد بالحرف ماما انا

مايعرف في نفر يجي جيب هدا أغراض

وجدام بيت بعد في ودي حق جيران

المهم ماعرفنا قنا يمكن ربع ابوي

اليوم عرفنا من!! طلع ابن احد الاعضاء السابقين

والذي ينوي ان يرشح نفسه الانتخابات القادمه

شفتوا المسخره لاوداز حق جيرانا بعد

والسبب ان ماشاء الله اخواني واخواتي 11

ونفس الشيء جيرانا فيضبطون نفسهم من الحين

الحمدلله والشكر يوزع تمر وقهوه وهيل

الله يهداه كان جابهم اول رمضان

بدال ماأروح اشتري

وسلامتكم

--------------------------------------------

إلى متى ؟؟؟؟؟؟؟؟؟

إلى متى ؟؟؟؟

إلى متى ومسلسل التذلل للحاقدين والأعداء مستمر

إلى متى والكويت تعطي للعراق ودول الضد ولازلوا يشتمون الكويت

العراق غزا الكويت بكل وقاحه وحقاره وهانحن نعطيه حتى الكهرباء والماء الذي هو من حقنا

التبرعات في بناء البنية التحتيه للعراق في استمرار لكن ماجزاء الكويت منهم

وكيف يردون هذا الجميل بأن يكون هناك يوميا انتهاكات على الحدود ولازالوا يطالبون بعودة الفرع للأصل إلى متى هذا الغباء والاستغفال من قبل حكومتنا الرشيدة

لماذا نذل انفسنا؟؟؟ من أجل ماذا؟؟؟

ودول الضد الاردن فلسطين وغيرهم نبعث لهم بالتبرعات وبالملايين

مالسبب هل نكافئهم على موقفهم من الغزو

!!!!!إلى متى ياحكومه إلى متى يادولتنا

العين أو الحسد

طبعا الحسد موجود بكل مكان بالدنيا لاله دين ولاجنس

لكن للحسد اشكال وللحاسدين والمحسودين أنواع

في البداية حابه اتكلم عن بعض

انواع الحسد

فيه حسد أو عين والقبر يعني اللي ينحسد على طول الموت

في حسد نص ونص يعني عاهه كسر بالرجل حادث

وفيه حسد على الخفيف تمرض شوي تسقط بالدراسه تنكسر النظاره هالشغلات اللي على الخفيف

أنواع الحاسدين

بعضهم يحسدك وهو عارف انه بيحسدك ومتعمد يحسدك

بعضهم يعرفون انهم يحسدون بس موقصدهم بس مستحيل يقولون ماشاء الله

بعضهم مايكون قاصد وبس عينه حاره شوية يعني على الخفيف

انواع المحسودين

بعضهم اللهم ياكفي ماعنده مقاومة اي عين تصيبه ياحرام على طول طايح

يعني لو اللي حاسده عينه شوي حاره هم يطيح

بعضهم نص ونص مو أي عين اطيحه لازم وحده قوية

وبعضهم جبار لو اطقه عين منيه لبكره مايحوشة شيء

بالنهاية بقولك قصة واحد معروف بالعين الحاره مره واحد

من ربعه مشتري سياره من الوكاله وراحوا يجربونها

طبعا ابو الشباب ركب سيارته الجديده ويستعرض

اخونا ابو العين الحاره التفت على الربع وقالهم بالحرف الواحد

فيه وإلا في السياره

طبعا كلهم صارخوا بالسياره بالسياره

وفجأة السياره وقفت قامت ماكينتها

وليومكم هذا ماتشتغل

( بجد القصة صارت قدام ابوي )

وسلامتكم

ظلم ذوي القربى

ظلم ذوي القربى اشد مضاضة على المرء من وقع الحسام المهند

ذوي القربى سواء كانوا الآخوه سواء كانوا ابناء العمومه أو حتى العائلة

انا أعتبره اشد قسوة من شيء أخر بالدنيا وخاصه عندما يكون الشخص

طيب ومتسامح يأتيه الظلم من أقرب المقربين له

بمعنى في بعض الأحيان تعتقد ان هذا الشخص سوف يكون بجانبك

لكن بمجرد مانحتاج هذا الشخص نجده ضدنا أو يكون هو سبب ألمنا

بداية ظلم ذوى القربي كان من قبل قصة هابيل وقابيل وقتله لأخيه

في السابق كنت لاأعرف سبب ظلم أقرب الناس لنا

لكن اليوم عرفت أن السبب الرئيسي هو المصلحة

فهم يضعون مصلحتهم فوق كل اعتبار حتى اعتبار الاخوه

صدق الشاعر طرفة بن العبد عندما قال

ظلم ذوي القربى اشد مضاضة على المرء من وقع الحسام المهند